Azərbaycan kukla ustaları mötəbər mükafata layiq görülüblər

Həyat yoldaşları, məşhur kukla ustaları Pərviz Hüseynov və İrina Qundorina Almaniyada hər il keçirilən Beynəlxalq Kukla Festivalında müasir kukla sənəti sahəsində beynəlxalq Maks Oskar Arnold mükafatına layiq görülüblər. Bu mükafat “Kukla istehsalçıları üçün Oskar” adlanır. Azərbaycanlı ustaların işi “Ən yaxşı fantastik obraz” nominasiyasında qalib olub.

Pərviz Hüseynov və İrina Qundorina Azərbaycan Rəssamlar İttifaqının üzvü, bir neçə beynəlxalq mükafatın dəfələrlə laureatı və müstəqil Moskva portalı Doll Planet-in “Fantasmaqoriya” nominasiyası üzrə birinci mükafatın laureatlarıdır. İncəsənətə verdiyi töhfələrə görə Azərbaycan Kütləvi İnformasiya Vasitələri İşçilərinin Həmkarlar İttifaqı onlara “Qızıl əllər” mükafatını təqdim edib.