Azərbaycan cüdoçusu karyerasını bitirdi

2016-cı il Olimpiya Oyunlarının gümüş mükafatçısı, 31 yaşlı cüdoçu Rüstəm Orucev karyerasını başa vurduğunu elan edib. Bu barədə idmançı avqustun 8-də, olimpiya medalını qazandığı gün sosial şəbəkələrdə məlumat verib. Orucev idman karyerası illərinin unudulmaz olduğunu qeyd edərək, bütün bu müddət ərzində ona dəstək olan hər kəsə təşəkkürünü bildirib.

Rüstəm Orucev 2016-cı ildə Avropa çempionu və iki dəfə dünya vitse-çempionu (2017 və 2019-cu illərdə) olub, həm də 2017-ci ildə Bakıda keçirilən İslam Oyunlarının “qızıl”ını qazanıb. 2020-ci ildə Tokioda keçirilən Olimpiya Oyunlarında iştirak edən Orucov 5-ci yeri tutduqdan sonra artıq böyük qələbələr qazanmayıb və Azərbaycan yığmasının heyətinə düşməyi dayandırıb. 73 kq çəki dərəcəsində dünya reytinqində o, 1-ci pillədən 60-cı pilləyə enib.