Azərbaycan cüdoçuları qızıl medal qazanıblar

Almaniyada Azərbaycan komandası möhtəşəm nəticələr nümayiş etdirən oğlanlar və qızlar arasında cüdo üzrə Beynəlxalq Türingiya Kuboku başa çatıb. Komanda 2 qızıl və 1 gümüş medal qazanaraq yarışın ümumi medal sıralamasında 4-cü yeri tutub.

Xədicə Abdullayeva (40 kq) və Vüsalə Hacıyeva (52 kq) öz çəki dərəcələrində qalib gələrək qızıl medala sahib olublar. Leyla Ələkbərova (44 kq) yalnız finalda məğlub olaraq ikinci yeri tutub. Bu turnirdə Azərbaycan komandası 6 çəki dərəcəsində 15 cüdoçu ilə təmsil olunub.