Azərbaycan – çovqan çempionu

Bakıda çovqan üzrə dünya çempionatı keçirilib, onun qalibi ardıcıl ikinci dəfə Azərbaycan yığması olub. Mərakeşdə keçirilən finalda idmançılarımız 2:0 hesabı ilə qalib gəliblər. Hər iki qolu Elçin Camallı vurub və 10 qolla turnirin bombardiri kimi tanınıb. Çempionatın bürünc medalı Özbəkistanı 3:1 hesabı ilə məğlub edən Nigeriya komandasına nəsib olub.

Mükafatlandırma mərasimində turnir iştirakçılarını və hakimlər briqadasının üzvlərini Azərbaycan Atçılıq Federasiyasının prezidenti Elçin Quliyev və Beynəlxalq Çovqan Federasiyasının prezidenti Bəhruz Nəbiyev təbrik ediblər. Çempionatda Azərbaycan, Almaniya, Qazaxıstan, Küveyt, Malta, Mərakeş, Nigeriya, Polşa, Türkiyə və Özbəkistan komandaları iştirak ediblər.