Avropa ölkələri BMT-nin islamofobiya ilə mübarizə qətnaməsinə səs verməkdən imtina etdilər

İslamofobiya ilə mübarizəyə dair mühüm qətnaməni bir neçə gün əvvəl BMT-də qəbul etdilər. Lakin bütün ölkələr bu təşəbbüsü dəstəkləmədi.

Pakistanın təklif etdiyi sənəddə həmçinin müsəlmanlara qarşı zorakılığın qarşısının alınması üçün razılaşdırılmış yanaşmanın zəruriliyi haqqında bənd var. Maraqlıdır ki, bütün Avropa dövlətləri və Ukrayna səsvermədə bitərəf qalıb.

Birləşmiş Millətlər Təşkilatının saytında xəbər verilir ki, Baş Assambleya bir qrup Avropa ölkəsinin təklif etdiyi qətnaməyə düzəlişləri qəbul etməyib. Söhbət mətndəki bəzi dəyişikliklərdən gedirdi, məsələn, Quranın təhqir olunmasına istinadların sənəddən çıxarılması çağırışı haqqında. Yada salaq ki, bəzi Avropa ölkələrində yerli hakimiyyət orqanları mütəmadi olaraq bu cür anti-islam aksiyalarını razılaşdırırlar.

Lehinə səs verənlər arasında Çin, Serbiya, Yeni Zelandiya, Rusiya, Yaponiya, Belarus var. İslamın hakim din olmadığı ölkələr dini azlıqların hüquqlarına diqqətlə yanaşırlar və anlayırlar ki, islamofobiya diskriminasiyanın yalnız təzahürlərindən biridir.