Avarçəkmə üzrə çempionat başlayır

Sentyabrın 3 və 4-də Mingəçevir şəhərindəki “Kür” Olimpiya Tədris-İdman Mərkəzində avarçəkmə, kayak və kanoe üzrə Azərbaycan çempionatı keçiriləcək. Bakı və Mingəçevirdən 100-dən çox idmançı kayak və kanoe qayıqlarında 200, 500 və 1000 metr məsafələrə, o cümlədən avarçəkmə qayıqları ilə 1000 və 1500 metr məsafələrə yarışacaq.

Yarışın təşkilatçıları Azərbaycan Gənclər və İdman Nazirliyi və Azərbaycan Avarçəkmə və Kanoe İdmanı Federasiyasıdır. Azərbaycan çempionatının qalibləri oktyabrda keçiriləcək ənənəvi beynəlxalq “Mingəçevir Reqatası 2024” turnirində iştirak edəcəklər.