Aşıq dastanını qoruyaq

Fikrət Əmirov adına Gəncə Dövlət Filarmoniyasında aşıq sənətinin gənclər arasında təbliğinə yönəlmiş “Musiqi kimliyimiz” layihəsinə start verilib. İlk ədəbi-bədii gecə martın 2-də baş tutacaq.

Azərbaycan Aşıqlar Birliyinin dəstəyi ilə yeni layihə çərçivəsində təşkil olunan gecələr silsiləsindən ilk tədbir Azərbaycan aşıq sənətinin görkəmli nümayəndəsi, söz və saz ustadı, aşıq Ələsgərin xatirəsinə həsr olunacaq.