Araya ədavət salanlar

Bu gün Beynəlxalq İslamofobiya ilə Mübarizə Günüdür. Bu anım tarixi bir sıra ölkələrdə müsəlmanların acınacaqlı vəziyyətinə diqqət çəkmək məqsədi daşıyır. Bizim dindaşlarımız üçün xüsusilə çətin anlar harada yaşayırlar və Azərbaycanla birlikdə dini zəmində sıxışdırmalara qarşı kim çıxış edir, məqaləmizdə oxuyun.

Bu yaxınlarda Osloda parlament binası qarşısında açıq şəkildə Quranı yandırdılar. Ekstremist aksiyasında iştirakçılardan biri yanan kitabı yelləyərkən onun şərikləri “İslam, Avropadan get!” şüarları səsləndiriblər.

Bu, müsəlmanların müqəddəs rəmzləri üzərində uzun sürən təhqirlər silsiləsində ilk hərəkət deyil. Avropa ölkələrini islamafobiya dalğası bürüyür. Müsəlmanlar təhsil müəssisələrində, yaşayış yerlərində, işlərində diskriminasiya ilə üzləşirlər.

Türkiyə siyasi şərhçi Rufiz Hafizoğlunun fikrincə, Avropada dini dözümsüzlük artıq siyasi epidemiyaya çevrilib. Ekspert hesab edir ki, Aİ ölkələrinin hakim dairələri, xüsusən də Fransanın, bilərəkdən seçicilər arasında islamofob əhval-ruhiyyəni yaradırlar.

İslamofobiya dərəcəsi siyasi arenada da artır, bunu da Azərbaycan tam hiss edir. Lakin biz avropalıların qərəzli münasibətinə səssizcə dözmək fikrində deyilik. Andiçmə mərasimində Prezident İlham Əliyev bildirib ki, bizim ölkəmiz islamofobiya ilə mübarizədə ön sıralarda yer almalıdır.

Azərbaycanın bu qarşıdurmada müttəfiqləri var. Keçən ilin dekabrında BMT-nin Cinayətkarlığın qarşısının alınması və Cinayət ədliyyəsi komissiyası islamofobiya və dini dözümsüzlüyə qarşı birgə bəyanat səsləndirib. Ona Çin, Rusiya və Belarus da daxil olmaqla 32 ölkə qoşulub.

Azərbaycan siyasətçiləri, alimləri və ictimai xadimləri mütəmadi olaraq digər ölkələrdən olan həmkarları ilə dini dözümsüzlüyə qarşı mübarizəni müzakirə edirlər.

Bu günlərdə Bakıda “Müxtəlifliyin qorunması: 2024-cü ildə islamofobiya ilə mübarizə” mövzusunda keçirilən beynəlxalq elmi konfrans keçirilib. Azərbaycan Prezidenti İlham Əliyev tədbir iştirakçılarına müraciətində qeyd edib ki, XXI əsrdə islamafobiya, ksenofobiya və irqçiliyə yer olmamalıdır.

Dövlət başçısı xatırladıb ki, bu gün müsəlmanlara qarşı düşmənçilik menasibətini Avropa Parlamenti və AŞPA təbliğ edir. Bundan əlavə, neokolonial siyasətləri ilə tanınan Fransada dindaşlarımız diskriminasiyaya məruz qalırlar.

Sonrakı müzakirələr zamanı qeyri-islam dövlətlərində müsəlmanların vəziyyəti haqqında çox şeylər danışırdılar. Spiker Əli Əl Qarninin fikrincə, islamofobiya təhlükəli qlobal tendensiyaya çevrilib və bir sıra qərb ölkələri onun yayılmasına sponsorluq edirlər. Yekun kommünikedə konfrans iştirakçıları Avropada müsəlmanlara qarşı düşmənçiliyin getdikcə artdığı fikrini dəstəkləyiblər.