Aranlıda yeni məktəb istifadəyə verilib

Yeni dərs ilinin əvvəlinə İmişli rayonunun Aranlı kəndində 624 şagird yerlik 1 nömrəli tam orta məktəbin binası istifadəyə verilmişdir. Müasir təhsil ocağı Heydər Əliyev Fondunun layihəsi çərçivəsində 1972-ci ildə binası qəzalı vəziyyətə düşmüş köhnə məktəbin bazasında yaradılıb.

Aydınlaşdırılır ki, məktəbdə keyfiyyətli təhsil almaq üçün zəruri olan müasir mebel, rabitə və avadanlıqlarla təchiz olunmuş üçmərtəbəli binanın 4 korpusu var. Burada 29 sinif otağı, fiziki-kimya və bioloji laboratoriyalar, informatika, hərbi hazırlıq, əmək kabinetləri, təcili tibbi yardım məntəqəsi, kitabxana, yeməkxana, akt və idman zalları, açıq idman meydançası var.