Ali təhsilə xərclər artacaq

Azərbaycan Nazirlər Kabinetinin yeni qərarında ayrı-ayrı ixtisaslar üzrə dövlət sifarişləri əsasında kadr hazırlığı üçün təhsilin müvafiq səviyyələrində xərclərin məbləğinin artırılması nəzərdə tutulur. Bunlara bakalavr, magistratura, doktorantura, əsas tibb təhsili və rezidentura proqramları daxildir.

Dövlət sifarişləri üzrə təhsil xərclərinin məbləği “Ali təhsil müəssisələrində yeni maliyyələşmə mexanizminin tətbiqi haqqında” Azərbaycan Respublikası Nazirlər Kabinetinin 2010-cu il 25 iyun tarixli 120 nömrəli qərarı ilə müəyyən edilmiş və son 5 ildə artmayıb.