AFFA oyun vaxtının dəyişdirilməsini elan edir

Azərbaycan Futbol Federasiyaları Assosiasiyası ölkəmizin milli komandası ilə Qazaxıstandan olan rəqibləri arasında keçiriləcək yoldaşlıq oyununun başlama vaxtının təxirə salınması ilə bağlı xəbərdarlıq edib. İyunun 11-i Bakı vaxtı ilə saat 18:00-da Macarıstanın “Haladas SportKomplexum” stadionunda start fiti səslənəcək.

AFFA onu da xatırladıb ki, azərbaycanlılar iyunun 7-də Bakı vaxtı ilə saat 21:00-da həmin stadionda Albaniya millisi ilə ilk beynəlxalq yoldaşlıq görüşünü keçirəcəklər.