2000-dən çox azərbaycanlı qan verib

Aşura günü ilə əlaqədar 2000-dən çox azərbaycanlı könüllü olaraq ehtiyacı olan xəstələr üçün qan verib. Səhiyyə Nazirliyi və Qafqaz Müsəlmanları İdarəsinin Azərbaycandakı nümayəndəliyinin təşəbbüsü ilə keçirilən aksiyada 27 şəhər iştirak edib. Ölkəmizin 35 məntəqəsində keçirilən kampaniyada donorlar iştirak edib.

Nəcib donor aksiyasına Gənclər Fondu, Milli QHT Forumu, Azərbaycan Könüllü Təşkilatlar İttifaqı, könüllülər, deputatlar, ziyalılar və ictimaiyyət nümayəndələri qoşulub.

Təkcə Bakıda Aşura günü 1378, digər bölgələrdə isə daha 935 nəfərin donor olduğu dəqiqləşdirilir. Aksiya nəticəsində ümumilikdə 1040 litr qan toplanıb.